Yangi mavsumda superligida to‘p suradigan Samarqandning “Dinamo” futbol klubiga serbiyalik Predrag Rogan bosh murabbiy etib tayinlandi. 1974 yilda Serbiyada tug‘ilgan Predrag Rogan UEFAning “pro” litsenziyasiga ega mutaxassis hisoblanadi. U 2011 yildan buyon murabbiylik faoliyatini yuritib kelmoqda. Shu paytgacha Serbiyaning bir qator klublari va Vengriyaning “Uypesht” jamoasini boshqargan. 2021 yilda Serbiya superligasi vakili “Vojvodats” ga murabbiylik qilgan. Serbiya yoshlar jamoasida (U-19) murabbiy sifatida ishlagan Ivan Yevich ham “Dinamo” klubida Predrag Roganga yordamchi murabbiy sifatida ish boshladi.

Bizga ma’lum qilishlaricha, ayni paytda Samarqandda yangi mavsumga tayyorgarlikni boshlagan “Dinamo” jamoasi tarkibiga mamlakatimiz futbol klublari va xorijdan bir qator futbolchilarni jalb qilish bo‘yicha muzokaralar olib borilmoqda.  

 

G‘.HASANOV, O‘zA