Давлат хавфсизлик хизмати ва иқтисодий жиноятларга қарши курашиш департаменти Самарқанд вилояти бошқармалари ходимлари ҳамкорлигида жорий йилнинг 11 январь куни Ургут туманида ўтказилган тезкор тадбирда ноқонуний ер сотиш ҳолатининг олди олинди.

Ургут туманидаги фермер хўжаликларидан бирининг раҳбари, 1976 йилда туғилган Ж.Қ. фермер хўжалигига тегишли бўлган 50 сотих лалми ер майдонини 1998 йилда туғилган Б.А. орқали маҳаллий фуқарога 65 минг АҚШ долларига сотишга келишиб, ушбу маблағнинг 30 минг долларини олаётган вақтда ашёвий далиллар билан ушланди.

Ушбу шахсларга нисбатан Ўзбекистон Республикаси Жиноят Кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

Ғолиб Ҳасанов, ЎзА