Қурилиш ишларини бажарувчи ташкилотларнинг “қўшиб ёзиш” операцияси тез-тез учраб туради.

   Сурхондарё вилояти Шеробод тумани “Навбур” маҳалласида умумий узунлиги 52 км.ни ташкил этувчи ичимлик сув тармоқлари ва сув иншоотини реконструкция қилиш керак эди.  
     Ушбу объект бўйича тендер ғолиби  “Саидабону-Азиз-Термиз” хусусий корхонаси томонидан бажарилган қурилиш-монтаж ишлари юзасидан назорат ўлчови ўтказилганда, 7 миллиард 672 миллион 488,2 минг сўмлик қурилиш-монтаж ишлари бажарилгани аниқланди. 575 миллион 869 минг 600 сўм эса “қўшиб ёзиш” йўли билан талон-торож қилинган. . 
 Шунингдек, Сурхондарё вилояти Бандихон тумани “Марказий” кўчасида умумий узунлиги 3,9 км бўлган саломатлик (пиёдалар ва велосипед) йўлакчаларини қурилиши ва ободонлаштириш ишларини тендер ғолиби “Жануб Сурхон Универсал” масъулияти чекланган жамияти амалга оширган. 
 Бажарилган ишлар ўрганилганда, 4 миллиард 8 миллион 349 минг 715 сўмлик қурилиш-монтаж ишлари бажарилган бўлиб, шундан 517 миллион 879 минг 160 сўми қўшиб ёзилганлиги аниқланган. 
 Шўрчи туманининг “Мустақиллик” кўчасида умумий узунлиги 3,9 км.ни ташкил этувчи саломатлик (пиёдалар ва велосипед) йўлакчаларининг қурилиши ва ободонлаштирилиш ишлари объектида “Бойсун-Бунёдкори” хусусий корхонаси томонидан бажарилган қурилиш-монтаж ишлари амалга оширилган. 
 Бажарилган  ишлар ҳисоб-китоб қилинганда, объектда хаммаси бўлиб 5 миллиард 30 миллион 558 минг сўмлик қурилиш-монтаж ишлари бажарилган бўлиб, шундан 2 миллиард 223 миллион 678 минг 400 сўми қўшиб ёзилганлиги аниқланган. 
 Ушбу ҳолатлар бўйича ДХХ Сурхондарё вилояти бошқармаси томонидан жиноят ишлари қўзғатилди. 

     ЎзА