ФОТОРЕПОРТАЖ

Пойтахтимиздаги “Бунёдкор” ўқув-машғулот майдонларида Давлат хавфсизлик хизмати кубоги баҳслари қизғин паллага етиб келди.

Аёллар ўртасида ўтаётган мини футбол баҳсларининг чорак финалида “O’zbegim” (Бухоро)-“Jaloyir” (Навоий), “To’maris” (Хоразм) – “Yangiyo’l” (Тошкент вилояти), “Nafis” (Самарқанд) – “Janub qizlari” (Сурхондарё), “Sohil” (Сирдарё) – “Gurkirov lochinlari” (Андижон) жамоалари ярим финалга чиқиш учун майдонга тушадилар. Ўғил болалар баҳсларида эса “Jo’yrabod” (Бухоро) – “Tumar” (Навоий), “Qamashi” (Қашқадарё) – “Uzunko’l” (Хоразм), “Yangi Beltepa” (Тошкент шаҳри) – “Baxrin” (Фарғона), “Yangi hayot” (Тошкент вилояти) – “Xayrobod” (Жиззах) жамоалари куч синашади.

[gallery-13232]

Футболчилар баҳсида ҳам чорак финалчилар номи маълум бўлди. Улар “Yuqori Navkent” (Наманган) – “Shodxurram” (Хоразм), “Turon” (Жиззах) – “Tasmachi” (Навоий), “Yangi hayot” (Қашқадарё) – “Bog’iston” (Сирдарё), “Navbahor” (Тошкент вилояти) – “Do’stlik” (Тошкент шаҳри). Ғолиб жамоалар ярим финал баҳсларида дуч келишади.

 Ярим финал баҳслари эртага, 25 август куни бўлиб ўтади.

ДХХ кубогининг ғолиб ва совриндорлари эса 26 август куни маълум бўлади.

Муҳаммад АМИН(сурат),ЎзА