Аввал хабар берганимиздек, теннис бўйича Ўзбекистон эркаклар терма жамоаси “Дэвис кубог”и II Жаҳон гуруҳининг илк босқичида Ҳонгконг терма жамоаси билан рақобатлашмоқда.

“Victoria Park Tennis Stadium” мажмуаси мезбонлик қилаётган баҳсларнинг биринчи кунида ҳамюртимиз Сергей Фомин мезбонларнинг биринчи рақамли теннисчиси Коулман Вонгга ҳар иккала сетда бир хил 2:6 ҳисобида мағлуб бўлди.  

Мамлакатимизнинг биринчи рақамли теннисчиси Ҳумоюн Султонов эса Фу Вонгни  7:6, 6:3 ҳисобида таслим этиб, умумий ҳисобни тенглаштирди.

Бугун, 14 сентябрь куни Чун Хун Вонг/Коулман Вонг – Сергей Фомин/Ҳумоюн Султонов жуфтликлари ўзаро рақобатлашса, яккалик беллашувларида Коулман Вонг – Ҳумоюн Султонов, Фу Вонг – Сергей Фомин баҳсига гувоҳ бўламиз.

Жавоҳир Тошхўжаев, ЎзА