Меҳмон олий даражадаги учрашувдан кейин ЎзА мухбирига интервью берди:

– Президент Шавкат Мирзиёев билан мулоқот чоғида, аввало, юртингизда амалга оширилаётган ислоҳотлар самарасини муҳокама қилдик. Шу ўринда алоқаларимиз тобора мустаҳкамланиб бораётганини алоҳида эътироф этиш жоиз.

Ўтган йили мамлакатларимиз раҳбарларининг олий даражадаги учрашувида ҳамкорликнинг янги йўналишлари белгилаб олинган эди. Шундан келиб чиққан ҳолда, бугун уларни амалга ошириш бўйича қилинаётган ва қилиниши лозим бўлган ишларни кўриб чиқдик. Шунингдек, Ўзбекистонда ҳаётга татбиқ этилаётган самарали ислоҳотлар, хусусан, хорижий инвестицияларни жалб қилиш, янги иш ўринлари яратиш каби масалалар диққатимиз марказида бўлди.

Минтақада хавфсизликни таъминлаш ва Ўзбекистон раҳбари бошчилигида амалга оширилаётган қўшни мамлакатлар билан очиқлик сиёсатининг муҳим жиҳатларини муҳокама қилдик.

Ўзбекистонга ташрифимиз доирасида Самарқандга боришни, кўҳна тарих, бой маданий мерос билан яқиндан танишишни режалаштирганмиз.