Бүгін 14 қаңтарда Өзбекстан Республикасы «Олий Мажлис» Заң шығарушы палатасында депутаттардың кезекті сессиясы өтіп, онда екі министрлікке жаңа басшы тағайындау мәселесі қаралды.

Жиында депутаттар, өз міндетіне немқұрайлы қарағандығы және жауапсыздығы үшін қызметінен босатылған Тұрғын үй коммуналдық қызмет көрсету министрі Салиев Музаффар орнына, бүгінге дейін Құрылыс министрінің бірінші орынбасары болып жұмыс істеген Хидоятов Шерзод Саиджоновичтің кандидатурасын мақұлдады.

Сондай-ақ, Жоғары және арнайы орта білім министрі лауазымында жұмыс істеп келе жатқан Иномжан Маджидовтың қызметінен босатылуына орай, оның орнына Абдуқодир Ташқулов тағайындалды.

А.Ташқулов бұған дейін Терміз мемлекеттік университетінің ректоры қызметінде жұмыс істеген.