FOTOREPORTAJ

Surxondaryoda “Besh tashabbus olimpiadasi”ning voleybol sport turi bo‘yicha qizlar jamoalarining viloyat bosqichi g‘oliblari aniqlandi. 

Termiz shahridagi “Surxon” sport majmuasida o‘tkazilgan musobaqada 16-21, 22-26 yosh toifasida tuman bosqichida g‘oliblikni qo‘lga kiritgan mahallalarning 30 ta jamoasi o‘zaro bahs olib bordi. 

Yakuniy natijalarga ko‘ra, 16-21 yosh toifasida birinchi o‘rin Denov tumani “Chuqurqishloq” jamoasiga nasib etdi. Ikkinchi va uchinchi o‘rinlarni Termiz shahar “Chegara” hamda Qiziriq tumani “Xomkon” jamoalari egalladi.

[gallery-14391]

22-26 yosh toifasida Denov tumani “O‘zgarish” jamoasi g‘oliblik shohsupasini zabt etdi. Sherobod tumanining “Guliston” hamda Muzrabod tumanining “Fidokor” jamoalari keyingi o‘rinlarni egalladi.

G‘olib va sovrindorlar tashkilotchilar tomonidan diplom va esdalik sovg‘alari bilan taqdirlandi.

O‘zA fotomuxbiri Jonibek QO‘ZIMURODOV olgan suratlar