Denis chorak final, Sergey yarim final uchun kortga chiqadi
Mamlakatimizning isteʼdodli tennischilari – Denis Istomin, Sergey Fomin Shveysariya va Tailandda oʻtayotgan musobaqalarda muvaffaqiyatli ishtirok etmoqda.
Mamlakatimizning isteʼdodli tennischilari – Denis Istomin, Sergey Fomin Shveysariya va Tailandda oʻtayotgan musobaqalarda muvaffaqiyatli ishtirok etmoqda.
Tailandning Nontxaburi shahrida Xalqaro tennis federatsiyasi tomonidan oʻtkazilayotgan turnirning ikkinchi davrasida Sergey Fomin qozogʻistonlik Grigoriy Lomakin bilan kuch sinashdi. Ikki set davom etgan bahsda Fomin 6:3, 6:4 hisobida zafar quchdi. Endi u turnirning chorak finalida ukrainalik Vladislav Orlovga qarshi oʻyin oʻtkazadi.
Mazkur bosqichda tajribali tennischimiz Sanjar Fayziyev turkiyalik Marsel Ilhanga 7:6, 4:6, 1:6 hisobida imkoniyatni boy berib qoʻydi.
Shveysariyaning Gshtaad shahrida tennis boʻyicha erkaklar oʻrtasida oʻtayotgan xalqaro turnirda Denis Istomin birinchi davrada mezbonlar vakili Mark-Andrea Xyuslerni 6:3, 7:6 hisobida magʻlub etib, 1/8 final bosqichiga yoʻl olgan edi.
Bugun tennischimiz nimchorak finalda serbiyalik Dushan Layovichga qarshi kortga chiqadi. Mazkur oʻyin Toshkent vaqti bilan 15:00da boshlanadi.