Делиде кейінгі 20 жылдағы ең толассыз жауған жаңбырдың салдарынан бір адам қаза тауып, 15 ғимарат қирады.

"Сенбі күні қалада жауған нөсер жаңбырдан кейін 15 үй қирап, бір адам қаза тапты", - делінген NDTV арнасының хабарында.

Сондай-ақ қала тұрғындары Делидің ең маңызды іскерлік және коммерциялық аймақтарының бірі Коннаут Плейсті су басу салдарынан қиындықтарға тап болғаны атап өтілген. 

Осы аптаның басында All India радиосы Бихар штатында найзағай соғуы мен толассыз жауған жаңбырдың салдарынан кем дегенде 12 адамның қаза тапқанын хабарлаған еді.