Дүниежүзілік денсаулық сақтау ұйымының мамандары Қытайдың Ухань қаласындағы медициналық мекемелерді тексеруді бастады.

Euronews-тің мәліметінше, екі апталық карантиннен кейін олар коронавирус жұқтырған алғашқы науқастарды қабылдаған ауруханаға келген.

«Бұл коронавирусқа қарсы күрестің ең қиын сәттерінде жұмыс істеген дәрігерлермен тікелей сөйлесу мүмкіндігі», - деді британдық вирусолог және бақылау тобы мүшелерінің бірі Питер Дашак.

ДДСҰ сарапшылары Қытайға сапары кезінде коронавирус пандемиясының басталуы туралы қорытынды жасау үшін ақпарат жинайды. Бейжің коронавирустың таралуы туралы нақты ақпаратты жасырды деп айыпталғаннан кейін ДДСҰ делегациясын қабылдауға келіскен болатын.