24 қарашада Оңтүстік Африкада анықталған жаңа «омикрон» штаммы әлемнің 38 елде тіркелді.

Дүниежүзілік денсаулық сақтау ұйымының төтенше жағдайлар қызметі техникалық тобының жетекшісі Мария Ван Керховенің айтуынша, «Омикрон штаммы қазір ДДСҰ-ның барлық аймақтарындағы 38 елде анықталды. Бірақ әлемде коронавирустың «дельта» нұсқасы ең көп тараған түрі болып қалуда».

Ұйымның өкілі жаңа штамм туралы нақты деректер бірнеше аптадан кейін қол жетімді болатынын айтқан.