Инновацион ривожланиш вазирлиги Ҳайъатининг навбатдаги йиғилишида 2022 йилда давлат ташкилотлари ва олий таълим муассасалари докторантурасига хотин-қизлар учун ажратилган мақсадли квоталар тасдиқланди.

Вазирлик матбуот хизмати томонидан тақдим этилган маълумотларга кўра, қабул квоталарни ажратишда  сунъий интеллект, биотехнология, тупроқшунослик, муқобил ва экологик тоза энергия, чорвачиликни ривожлантириш соҳасида генетика, қишлоқ хўжалиги, инсон ҳуқуқлари, математика, физика, геология, кимё, биология  каби йўналишлар устувор этиб белгиланди.

Мақсадли квоталарни тақсимлаш қонунчиликда белгиланган тартибда амалга оширилади.

ЎзА