Innovatsion rivojlanish vazirligi Hay’atining navbatdagi yig‘ilishida 2022 yilda davlat tashkilotlari va oliy ta’lim muassasalari doktoranturasiga xotin-qizlar uchun ajratilgan maqsadli kvotalar tasdiqlandi.

Vazirlik matbuot xizmati tomonidan taqdim etilgan ma’lumotlarga ko‘ra, qabul kvotalarni ajratishda  sun’iy intellekt, biotexnologiya, tuproqshunoslik, muqobil va ekologik toza energiya, chorvachilikni rivojlantirish sohasida genetika, qishloq xo‘jaligi, inson huquqlari, matematika, fizika, geologiya, kimyo, biologiya  kabi yo‘nalishlar ustuvor etib belgilandi.

Maqsadli kvotalarni taqsimlash qonunchilikda belgilangan tartibda amalga oshiriladi.

O‘zA