Ўзбекистон Коррупцияга қарши курашиш агентлиги томонидан, жорий йил учун 39 та вазирлик ва идораларнинг фаолияти коррупциявий хавф-хатарларни баҳолашдан ўтказилган.

Баҳолаш натижаларига кўра 1701 та функция коррупциявий хавф-хатарлар баҳолашдан ўтказилиб, коррупциявий хавф-хатарлар даражаси 177 та функцияда “юқори”, 475 та функцияда “ўрта”, 1049 та функцияда “паст” кўрсаткичда баҳоланган.

Хусусан, Адлия вазирлигида 208 та функциялардан 24 та (11.5 %);

Қишлоқ хўжалик вазирлигида 107 та функциялардан 51 та (47.6 %);

Оила ва хотин қизлар қўмитасида 60 та функциялардан 12 та (20%);

Кадастр агентлигида 116 та функциялардан 12 та (10.3%);

Ўсимликлар карантини ва ҳимояси агентлигида 88 та функциялардан 10 таси (11.3%)гина баҳолашдан ўтказилган. 

Транспорт вазирлигида платформага киритилган 72 та функциядан 66 та;

Статистика агентлигида 55 та функциялардан 51 та;

Техник жиҳатдан тартибга солиш агентлигида 118 та функциялардан 115 та;

“Ўзбекистон темир йўллариʼ” АЖ да 42 та функциялардан 40 таси паст баҳоланган.

Маҳаллий ҳокимликлар томонидан амалга ошириладиган функцияларнинг ягона рўйхати шакллантирилмасдан электрон платформага маълумотларни киритишда турлича ёндашилган.

Яъни, унга кўра;  Сирдарё вилояти ҳокимлиги томонидан 155 та;

Хоразм вилояти ҳокимлиги томонидан 198 та;

Тошкент вилояти ҳокимлиги томонидан 35 та;

Тошкент шаҳар ҳокимлиги томонидан  13 та функция баҳолашдан ўтказилган.

Шунингдек, аниқланган коррупциявий хавф-хатарлар даражасини инобатга олган ҳолда ҳар бир ташкилот учун  коррупциявий хавф-хатарлар харитаси ва коррупцияга қарши курашиш бўйича дастур лойиҳалари ишлаб чиқилган.

Бундан ташқари, Агентлик томонидан яқинда жорий этилган яна бир қулайлик шуки, эндиликда кенг жамоатчилик “E-Anticor.uz” платформаси орқали давлат органларининг баҳолашдан ўтказилган функциялари ва уларнинг коррупциявий хавф-хатарларга мойиллик даражаси юзасидан ўз фикр-мулоҳаза ва таклифларини онлайн режимда ёзиб қолдириш имконига эга. 

Билдирилган таклиф ва мулоҳазалар асосида ташкилот фаолиятида коррупциявий хавф-хатарларни бартараф этиш механизмлари такомиллаштирилади. Инсон омилини қисқартириш, тегишли тартиб-таомиллар ва функцияларни рақамлаштириш, шаффофликни таъминлаш, жамоатчилик назоратини йўлга қўйиш орқали коррупциявий хавф-хатарларни бартараф этиш чоралари кўрилади.

<iframe width="650" height="420" src="https://www.youtube.com/embed/HwH52uTliEc" title="ДАВЛАТ ОРГАНЛАРИ ВА ТАШКИЛОТЛАРИ ФАОЛИЯТИДАГИ КОРРУПЦИЯВИЙ ХАВФ-ХАТАРЛАР БАҲОЛАНДИ" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

М. Эшмирзаева, А. Содиқов, ЎзА