АҚШ давлат департаменти Нидерландияга янада такомиллашган Patriot баллистик ракеталарини ҳамда унга тегишли техникаларни сотишни маъқуллади. Савдонинг қиймати 1,219 миллиард долларга баҳолангани айтилмоқда.

Пентагон тузилмасига кирувчи Хавфсизлик  ва мудофаа бўйича ҳамкорлик агентлигининг маълум қилишича, Нидерландия ҳукумати аввалроқ Вашингтонга 96 та шу турдаги ракетани сотишни сўраб мурожаат қилган эди.  

АҚШ томонининг таъкидлашича, Америка ракеталари Нидерландияга ҳозирги ва келгуси таҳдидларга қарши курашиш имконини беради.