«Реал Сосьедад» клубының жартылай қорғаушысы Давид Сильва кәсіби мансабын аяқтады.

37 жастағы испандық жартылай қорғаушы ауыр жарақаттан кейін футболдағы мансабын аяқтауды шешкенін хабарлады. Сильва жақында жарақат алып, ұзақ уақыт алаңға шықпайтыны белгілі болған еді.

«Валенсия» мен «Манчестер Сити» клубтарындағы ойындарымен танылған Сильва Испания құрамасында сәтті өнер көрсетіп, мансабында барлығы 869 ойынға қатысып, 156 гол соғып, 226 нәтижелі пас беріп, 20-дан астам жүлдеге қол жеткізген.

Атап айтқанда, Сильва Премьер-Лиганың 4 дүркін чемпионы, 2 дүркін Англия Кубогының иегері, 5 дүркін Ағылшын Лигасының Кубогының иегері, Испания Кубогының иегері, Әлем чемпионы және 2 дүркін Еуропа чемпионы атанған.