Toshkent shahridagi “Olimpiya shaharchasi”da tennis bo‘yicha ayollar o‘rtasida W15 tasnifiga kiruvchi “Hayot Bank Cup 2” xalqaro ayollar turniri o‘tkazildi.

Mazkur musobaqaning yakkalik bahslari finalida belaruslik Darya Xomutyanskaya va rossiyalik Darya Yegorova o‘zaro raqobatlashdi. Unda Darya Xomutyanskaya raqibini 3:6, 6:2, 6:2 hisobida zafar quchdi va bosh sovringa ega chiqdi.

Shuningdek, turnirning juftlik bellashuvlarida Darya Xomutyanskaya hamyurti Kseniya Yersh bilan birga musobaqa g‘olibiga aylandi.

Shuni ta’kidlab o‘tish lozimki, o‘tgan hafta poytaxtimizda o‘tkazilgan xalqaro turnirda Darya Xomutyanskaya yakkalik va juftlik bellashuvlarida chempionga aylangan edi.

Javohir Toshxo‘jayev, O‘zA