Дариға Назарбаеваның Сенат депутаты өкілеттігі тоқтатылды
2 мамырда Қазақстан Президенті Қасым-Жомарт Тоқаевтың Жарлығымен шыққан болатын
2 мамырда Қазақстан Президенті Қасым-Жомарт Тоқаевтың Жарлығымен Парламент Сенатының депутаты Дариға Нұрсұлтанқызы Назарбаеваның өкілеттігі тоқтатылған еді.
Ал, бүгін 4 мамырда ҚР Орталық сайлау комиссиясында отырыс өтіп, онда Парламент Сенатының депутаты Дариға Нұрсұлтанқызы Назарбаеваның өкілеттігі Қазақстан Республикасы Конституциясының 52-бабы 5-тармағына, «Қазақстан Республикасының Парламенті және оның депутаттарының мәртебесі туралы» Қазақстан Республикасы Конституциялық Заңының 24-бабы 5 және 9-тармақтарына сәйкес Қазақстан Республикасы Президентінің «Д.Н. Назарбаева туралы» 2020 жылғы 2 мамырдағы № 315 Жарлығының қабылдануына байланысты тоқтатылғаны айтылған.