Данияның Maersk Air Cargo жүк авиакомпаниясы Өзбекстанға әуе рейсін жолға қояды.

Uzbekistan Airports мәліметінше, дат әуе компаниясы Биллунд — Науаи — ​​Ханчжоу — Науаи — ​​Биллунд бағыты бойынша рейстерді жолға қоймақ. Жүк тасымалдаушының алғашқы рейсі 2023 жылдың 20 наурызына жоспарланған.

Maersk Air Cargo әуелі аптасына алты рейс орындауды жоспарлап отыр, кейін аптасына 36 рейске дейін ұлғайтады. Boeing 767 жүк ұшағы Даниядан Қытайға және Өзбекстан арқылы кері ұшады. «Науаи» әуежайы әуе компаниясының ұшақтарын техникалық қону, жанармай құю және экипажды ауыстыру үшін транзиттік пунктке айналады.

Maersk Air Cargo – штаб-пәтері Данияның Биллунд қаласында орналасқан даниялық жүк авиакомпаниясы. Компания Maersk логистикалық тобына кіретін Star Air тасымалдаушысының негізінде 2022 жылы құрылған.