Данияның Өзбекстанға жаңадан тағайындалған елшісі Йеспер Вар Сыртқы істер министрлігінде сенім грамоталарын тапсырды.

Кездесуде Өзбекстан мен Дания арасындағы ынтымақтастықтың қазіргі жағдайы және оны дамыту бағыттары талқыланып, тараптар сауда, экономика, білім беру және өзге де салалардағы байланыстарды кеңейтуге өзара мүдделі екенін білдірген.

Сыртқы істер министрлігі Даниямен ашық және практикалық диалогты жалғастыруға дайын екенін атап өтті.

Өзбекстан мен Дания арасындағы дипломатиялық байланыс 1992 жылғы 25 қаңтарда орнаған.

Содан бері екі ел өзара құрмет пен мүдделілікке негізделген саяси, экономикалық және мәдени бағыттарда ынтымақтастықты дамытып келеді. Дания – Өзбекстанның тәуелсіздігін алғашқылардың бірі болып мойындаған еуропалық мемлекеттердің қатарында.