Дания Украинаға 19 F-16 ұшағын беруге ниетті. Бұл туралы жексенбі күні Дания премьер-министрі Метте Фредериксен мәлімдеді.

Associated Press агенттігінің хабарлауынша, Фредериксен алғашқы алты ұшақ Киевке Жаңа жыл шамасында жеткізілетінін айтқан.

Оның айтуынша, келесі жылы Украинаға тағы сегіз ұшақ, ал қалған бесеуін 2025 жылы жіберу жоспарлануда.

Жексенбіде Фредериксен Украина президенті Владимир Зеленскиймен кездесті. Олар Данияның оңтүстігіндегі авиабазаға барды.