Дамаск орталығындағы лаңкестік шабуылдан 14 сириялық әскери қаза тапты
Дамаск орталығында террористер Сирия армиясына тиісті автобусты миналап, жарып жіберуі салдарынан 14 әскер қаза тапты және екеуі жараланды.
Террорлық шабуыл жергілікті уақытпен таңғы сағат 6.30 шамасында қаладағы «Lady Rose» қонақ үйіне жақын маңындағы Rais Bridge көпірінде болды.
SANA агенттігінің мәліметінше, қайғылы жағдай Сирия әскерлері мінген автобус Rais көпіріне шыққан кезде жарылған. Оның салдарынан 14 әскер қаза тапқаны айтылады хабарда.