Toshkent viloyatining Boʻstonliq tumanida shu yilning 25 noyabr kuni, soat 07:34lar chamasida Toshkent shahar, M.Ulugʻbek tumani, H.Olimjon koʻchasi, 4-uy, 5-xonada yashovchi, 1958 yilda tugʻilgan A.B.ga tegishli “Qizilsuv” mahallasida joylashgan dala-hovlisida yongʻin sodir boʻlgan.

Koʻrilgan choralar natijasida yongʻin soat 08:35da bartaraf etilgan. Yongʻin oqibatida dala-hovlining 60 kv.m. maydonida tomi, shifti va uy-jihozlari yonib, zarar koʻrgan hamda yongʻin oʻchirish vaqtida shu dala-hovli qorovuli, Quyichirchiq tumani Sirgʻali fermer xoʻjaligida yashagan, Yu.I.ning kuygan holdagi jasadi topilgan.

Ayni paytda yongʻin sabablari aniqlanmoqda, surishtiruv ishlari olib borilmoqda.