Өзбекстанда 20 қазан күні індеттен көз жұмғандар қатары 3 кісіге көбейіп жалпы бүгінге дейін өлім көрсеткіші 534-ке жетті.

Денсаулық сақтау министрлігінің кешкі қорытынды хабарламасында тәулік бойы елде 305 коронавирус жұқтырғандық жағдайы тіркеліп 351 азаматтың індеттен сауыққаны айтылған.

Соңғы мәліметтер бойынша республикада 63 912 азаматта вирус расталған. Олардың 95 пайызы немесе 61 068 аурудан сауығып шықты.

Қазіргі уақытта республикадағы ауруханаларда 2310 науқас дәрігерлердің бақылауында қалып, олар арасында 292 кісінің жағдайы ауыр екендігі айтылады министрлік мәліметінде.