Жаҳон савдо ташкилоти (ЖСТ) ва Халқаро валюта жамғармаси (ХВЖ) биргаликда олиб борган тадқиқотлар натижасига кўра, 2021 йилда коронавирусга қарши вакцина ишлаб чиқариш ва унинг экспорти бўйича Хитой етакчи бўлиб турибди.

Хитой дунё бўйича таклиф этилган вакцинанинг 45 фоизини (1487,6 миллион доза) экспортга чиқарган. Бу ҳақда Россиянинг РБК нашри маълум қилмоқда. 

Евроиттифоқ ҳам 22,4 фоизлик улуш билан вакцина экспорт қилиш бўйича кучли учликка киргани айтилмоқда. 

Ҳиндистон дунё бўйича таклиф этилган вакциналарнинг 15,6 фоизини экспортга чиқарган.  

“АҚШ вакцина етказиб бериш бўйича учинчи (348 миллион доза), уни ишлаб чиқариш бўйича тўртинчи ўринда бормоқда (847,5 миллион доза)”, дейилади мақолада.  

Россия қарийб 232,9 миллион доза препарат ишлаб чиқарган, унинг 93,4 миллион дозасини ташқи бозорга чиқарган.