Aнглия ва Уэльс Буюк Британияда янги пандемия бошлангандан буён COVID-19 туфайли вафот этган фуқаролар сонига кўра айни пайт дунё бўйича иккинчи ўринни эгаллаб турибди.

Бугун Миллий статистика бюроси мамлакатда 8443 киши вирус юқиши натижасида ҳаётдан кўз юмганини таъкидлади. Бу пандемия пайтидаги ҳафталик иккинчи энг юқори кўрсаткич ҳисобланади.

Бундан ташқари, ўша ҳафта рўйхатга олинган 18 минг 448 ўлим ҳолатининг 45,7 фоизига коронавирус сабаб бўлган.

Умуман, Шотландия ва Шимолий Ирландияни ҳам ўз ичига оладиган Буюк Британия статистикасига кўра, ҳисобот ҳафтасида ушбу хасталикдан қурбон бўлганлар 20478 кишини ташкил этди. Бу беш йиллик ўртача кўрсаткичдан 6052 нафар кўп.

Қироллик ҳудудида шу пайтгача CОVID-19 билан боғлиқ 112 798 ўлим қайд этилди. Европада энг юқори бўлган мазкур кўрсаткич жаҳон бўйича бешинчидир.

Соғлиқни сақлаш вазири Метт Хенкок душанба куни кечқурун Даунинг-стритда ўтказилган брифингда таъкидлашича, вирус юқиши даражаси камайганига қарамай, ўлим ҳолати ва беморлар сони "жуда кўп" бўлиб қолмоқда.

Охирги кун давомида янги 14 104 та CОVID-19 ва 333 та ўлим ҳолати қайд этилди.

Декабрь ойи бошида эмлаш кампаниясини бошлаган Буюк Британияда 12,2 миллиондан зиёд одам биринчи, ярим миллионга яқин фуқаро иккинчи дозани олди.