Әлемдегі салқын сусындар нарығында жетекші әрі өзіндік бренді өзгеше «Coca-Cola» компаниясы Өзбекстан нарығына 31 миллион доллар инвестиция салмақ.

Компания 2020-2021 жылдар кезеңінде өз инвестициясын Ташкенттегі және Хорезм облысындағы зауыттарды модернизазиялау мен қазіргі өндіріс қуатын арттыруға сарыптамақ. Жоспар бойынша 10 жылдықтағы халықтың өсімі мен туристер ағымының көбейуі арқасында табыс көзі нарықта 1,8 пайызға артуы көзделген.

2019 жылда «Uzbekiston Ltd» компаниясы тарапынан өндірілген «Coca-Cola» сусындары ел аумағындағы нарықтағы үлесі 25 пайызға артқан. Ал тәтті сусындар нарығында 50 пайызға өскен. Атап айтқанда компанияның 2018 жылдағы сусын өндірісі 38 пайызға, 2019 жыл 33 пайызға артқан.