Вашингтон ва Киев ўртасида АҚШ томонидан таклиф қилинган тинчлик режасининг камида уч асосий банди, жумладан Донбасс келажаги, Қуролли кучлар сонини чеклаш ва НАТОга аъзолик бўйича жиддий келишмовчилик сақланиб қолмоқда, деб ёзди CNN.

Киев расмийси телеканалга берган интервьюсида ўтган ҳафта эълон қилинган 28 банддан иборат таклифларнинг аксарияти бўйича “келишувга эришилгани"га қўшилган. Шу билан бирга жиддий келишмовчилик сақланиб қолган камида уч муҳим масала борлигини ҳам таъкидлаган.

Таъкидланишича, Донбассда Украина назоратидаги ҳудуд масаласида “муайян натижа"га эришилган, аммо сўз ва мазмун борасида ҳали якуний қарорга келинмаган.

Қолаверса, айни пайт армиянинг дастлаб таклиф қилинган 600 000 кишига қисқартирилиши мавзуси муҳокама қилинмоқда.

Украинанинг НАТОга кирмаслиги талабини Киев қабул қилмаслиги айтиляпти.

Кремль эса Россия мулоқот учун очиқлиги, Анкориж музокарасига содиқ қолишини билдирган.

С.Раҳимов, ЎзА