Француздық «CMA CGM Air Cargo» көлік-логистикалық компаниясы бүгін Чжэнчжоу-Науаи-Париж бағыты бойынша алғашқы рейсін жасады.

Uzbekistan Airports мәліметінше, бағдарламаға сәйкес, Чжэнчжоудан Парижге ұшу үшін Науаи әуежайы техникалық аялдама қызметін атқарады. Қазіргі уақытта осы бағыт бойынша Airbus A350 ұшағында аптасына 5 рейс орындалады.

Штаб-пәтері Парижде орналасқан әйгілі француз авиакомпаниясы «CMA CGM Air Cargo» 2021 жылы «CMA CGM» көлік тобының авиациялық еншілес кәсіпорны ретінде құрылған.