26 апрель куни Циндао шаҳридаги Фангюан спорт марказида ШҲТга аъзо давлатларнинг Халқаро инвестиция ва савдо кўргазмаси ҳамда Савдо-иқтисодий ҳамкорлик форуми очилди. Кўплаб маҳаллий ва хорижлик мутахассислар, 30 давлатнинг элчилари иштирок этаётган мазкур халқаро тадбирда ўзаро ҳамкорликни ривожлантириш масалалари муҳокама қилиниши кутилмоқда.

Кўргазманинг очилиш маросимида Шанхай Ҳамкорлик Ташкилоти (ШҲТ) Бош котиби Владимир Норов, Халқаро савдони ривожлантириш бўйича Хитой Кенгаши раиси ўринбосари, ШҲТ Ишбилармонлар Кенгашида Хитой бўйича миллий қисми раиси Чжан Шаоган ҳамда Тожикистоннинг Хитойдаги Фавқулодда ва мухтор элчиси Зоҳир Озод нутқ сўзлади.

Хитой расмий вакили, Бош божхона бошқармасининг Статистика ва таҳлил департаменти директори Хитой билан ШҲТга аъзо давлатлар ўртасидаги савдо индексини эълон қилди. Статистика маълумотларига кўра, Хитой билан ШҲТга аъзо давлатлар ўртасидаги импорт ва экспорт кўрсаткичи 2001 йилдаги 17,14 АҚШ долларидан 2020 йилда 244,85 миллиард долларгача (йилига ўртача 15 фоиз) ўсди.

Тадбирда 17 мамлакатнинг тўртта биродарлашган шаҳарлари ва ўн тўққизта биродарлашган истироҳат боғлари Циндао ҳукумат идоралари ва “Хитой – ШҲТ” минтақавий савдо-иқтисодий ҳамкорлик бўйича намойиш зонаси билан ўзаро ҳамкорлик меморандумларини имзолади. Имзоланган ҳужжатлар савдо, логистика, энергетика, юқори технологияларни ишлаб чиқариш, маданий туризм ва биотиббиёт соҳаларида қиймати 66,8 миллиард юанга тенг 20та лойиҳани амалга оширишни кўзда тутади.

Хитой Коммунистик Партиясининг (ХКП) Циндао қўмитаси Доимий қўмитаси аъзоси, ХКП Цзяочжоу қўмитаси котиби, ХКП Ишчи қўмитаси котиби, Намойиш зонасининг Маъмурий қўмитаси директори Лю Цзяньцзюнь иштирокчиларни Намойиш зонаси фаолияти билан яқиндан таништирди.

Қозоғистон Республикасининг Хитойдаги Фавқулодда ва мухтор элчиси Габит Койшыбаев, Покистоннинг Хитойдаги Фавқулодда ва мухтор элчиси Мойнул Хак ва бошқаларнинг икки ва кўп томонлама савдо-иқтисодий ҳамкорликни ривожлантиришга оид маърузалари тингланди.

Намойиш зонасининг Маъмурий қўмитаси директори ўринбосари Сян Чжицян маҳаллий савдо-иқтисодий ҳамкорликни кенгайтириш бўйича “Циндао ташаббуси” ҳақида маълум қилди.

Ташаббусда қайд этилганидек, ШҲТга аъзо давлатлар ташкилот ташкил топгандан буён ўзаро алмашинувни мустаҳкамлаш, ҳамкорликни ривожлантириш, терроризмга қарши курашиш, иқтисодий тараққиёт ва маданий алоқаларни ривожлантириш борасида улкан ютуқларга эришди. Мазкур ташаббус ШҲТни – географик қамрови ва аҳолиси бўйича дунёдаги энг йирик минтақавий ташкилот – маҳаллий савдо-иқтисодий ҳамкорликни ривожлантириш, халқаро логистика учун тобора яхшироқ йўналишларни тақдим этиш, инвестицияларни жалб этишни жадаллаштириш ва савдони осонлаштириш орқали ташкилот аъзоларини тараққиётга катта ҳисса қўшишга чақиради.

Ташаббусда айтилишича, Намойиш зонаси ШҲТга аъзо давлатлар ўртасида савдо-иқтисодий ҳамкорликнинг янги саҳифасини очди, кўргазма ҳамкорликни ривожлантириш учун муҳим майдонга айланди.

Очилиш маросимидан сўнг меҳмонлар кўргазма зонасидаги турли мамлакатлар павильонларини бориб кўрди.

Маълумотларга кўра, уч кунлик кўргазма ва ШҲТнинг Циндао форуми доирасида, шунингдек, Лойиҳа ярмаркаси ва ШҲТ аъзоларининг акциялари ўтказилади.

Алоқа: Чжу Илин

Тел.: 0086-532-85911619

Website: http://www.qingdaochina.org

Facebook: https://www.facebook.com/qingd...

Twitter: https://twitter.com/loveqingda...

ЎзА