АҚШ-тың Цинциннати қаласында өткен WTA 1000 санатындағы беделді теннис турнирі аяқталды.

Жалпы жүлде қоры 5 миллион 152 мың 599 долларды құраған Cincinnati Open жарысының бас жүлдесі Ига Свёнтекке бұйырды. 

Польша елінің өкілі финалдық ойында италиялық Жасмин Паолиниді7:5, 6:4 есебімен ұтты.

1 сағат 50 минутқа созылған тартысты матч барысында Свёнтек 9 эйс жасап, 6 брейк орындады. 

Бұл жеңіс оған 1000 рейтингтік ұпай мен 752 мың АҚШ доллары көлеміндегі жүлде алып келді. Ал финалға дейін жеткен Жасмин Паолини 650 ұпай мен 391 мың доллар иеленді.