Осиё давлатлари АҚШнинг Ҳинд-Тинч океани стратегиясини илгари суришга уринишлари фонида минтақада Украина сценарийсининг такрорланишига йўл қўймасликлари керак. Бу ҳақда Хитой Ташқи ишлар вазири Цинь Ган баёнот берди.

“АҚШнинг Ҳинд-Тинч океани стратегияси гўё эркинлик ва очликни мустаҳкамлашга қаратилган. Лекин, аслида қарама-қаршиликка йўналтирилган. Бизнинг Осиё-Тинч океани минтақамиз ўзаро манфаатли ҳамкорлик майдонига айланиши керак”, деди вазир матбуот анжуманида.

“Биз Украина инқирозининг Осиёда такрорланишига йўл қўймаймиз”.

Цинь Ган сўзларига кўра, аслида Вашингтон минтақада бир-бирига қарама-қарши блоклар шаклланишига кўмаклашмоқда.

“НАТО минтақавий интеграцияга путур етказадиган Осиёда Тинч океани версиясини яратишга ҳаракат қилмоқда. Бунинг натижаси эса Осиё-Тинч океани минтақаси мамлакатлари ўртасида “алоқаларнинг узилишига олиб келади”, деб таъкидлади вазир.

ЎзА