Namangan viloyati Chust tumanida joylashgan, tarixi uzoq ming yillarga borib taqaladigan, bronza davriga oid “Bibiona” yodgorligida ilmiy tadqiqot ishlari davomida miloddan avvalgi X asrga tegishli katta ko‘za topildi.

Ayni kunlarda arxeologik yodgorlikda mazkur yangi nodir topilmani o‘rganish maqsadida O‘zbekiston Fanlar akademiyasi milliy arxeologiya markazi ilmiy xodimlari – tarix fanlari nomzodi Sergey Baratov, katta ilmiy xodimlar Islomjon Bekmirzayev va Abdulbositxon Najmiddinov, shuningdek, Namangan davlat universitetining arxeologiya yo‘nalishi professor-o‘qituvchilari hamda talabalari ishtirokida ilmiy tadqiqot ishlari olib borilmoqda.

Oqilxon Dadaboyev, O‘zA.