Жорий йилнинг 12-14 март кунлари Қашқадарё вилояти Чироқчи туманидаги 1-сонли болалар-ўсмирлар спорт мактабида 2005-2006 йилларда туғилган ўғил болалар ва қизлар ўртасида белбоғли кураш бўйича Ўзбекистон кубоги беллашувлари бўлиб ўтди.

Ўзбекистон Республикаси Жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги мазкур мусобақада ўғил болалар белбоғли курашнинг классик ва эркин йўналиши бўйича 11 та вазн тоифасига кўра куч синашишган бўлишса, қизлар эркин йўналишда 7 та вазнда ғолиблик учун беллашишди. Унда Қорақалпоғистон Республикаси, Тошкент шаҳри ва барча вилоятлардан 300 нафарга яқин ёш полвонлар иштирок этишди.

Муросасиз ва қизиқарли тарзда ўтган беллашувларнинг якуний натижаларига кўра қуйидаги спортчи – болалар ўз вазн тоифаларига мувофиқ, барча рақибларини енгиб, олтин медаль эгаларига айланишди. Чемпионлар билан танишамиз.

Ўғил болалар ( классик йўналиш)

32. Баҳодир Одилов (Фарғона)

35 кг. Аваз Отақулов (Сирдарё)

38 кг. Хожиакбар Абдусатторов (Сирдарё)

42 кг. Шуҳрат Қирғизбоев (Андижон)

46 кг. Шахзод Усмонов (Тошкент в.)

50 кг. Абдумалик Дилшодбоев (Андижон)

55 кг. Далабек Суюнов (Наманган)

60 кг. Асадбек Маматалиев (Тошкент)

65 кг. Илёс Сотволдиев (Фарғона)

71 кг. Зиёдулло Валижонов (Тошкент ш.)

+71 кг. Ғуломқодир Каримов (Андижон)

Қизлар (эркин йўналиш)

40 кг. Молдир Алимбаева (Қорақалпоғистон)

44 кг. Моҳира Қаҳҳорова (Андижон)

48 кг. Элдора Алимбаева (Қорақалпоғистон)

52 кг. Гулзахира Сарсенбаева (Қорақалпоғистон)

57 кг. Ясмина Содиқова (Наманган)

63 кг. Севара Шаженова (Қорақалпоғистон)

+63 кг. Маржона Кўчимова (Қашқадарё)

Ўғил болалар (эркин йўналиш)

32 кг. Мирсаид Жўраев (Қашқадарё)

35 кг. Минхожиддин Бозорбоев (Андижон)

38 кг. Сухроб Раҳматов (Навоий)

42 кг. Иззатилло Жуманов (Фарғона)

46 кг. Жасурбек Нишонбоев (Андижон)

50 кг. Омирбай Хожахметов (Қорақалпоғистон)

55 кг. Асилбек Тожибоев (Тошкент ш.)

60 кг. Шоҳруҳ Қурбонмуродов (Навоий)

65 Илёсбек Ёқубжонов (Андижон)

71 кг. Сарвар Мамашакиров (Тошкент ш.

+71 Азимжон Йўлдошев (Наманган)

Мусобақа якунига етгач кучли учликдан жой олган спортчиларни тақдирлаш маросими ташкил этилди. Шоҳсупага кўтарилган ёш полвонлари Ўзбекистон белбоғли кураш федерацияси бош котиби Абдихалил Маликов, Қашқадарё вилоят белбоғли кураш федерацияси раиси Фарҳод Жуманов, ҳакамлар ҳайъати раиси Тошкентбой Яхшибоев, Чироқчи туман жисмоний тарбия ва спорт бўлими бошлиғи Ихтиёр Ризақулов ва бошқалар таъсис этилган диплом, медаль ва қимматбаҳо эсдалик совғалари билан мукофотлашди.

Ойбек ЮНУСОВ, ЎзА