FOTOREPORTAJ

Mamlakatimizning barcha hududlaridan 400 ga yaqin mahoratli og‘ir atletikachi qatnashayotgan O‘zbekiston kubogi bellashuvlarida Olimpiya va qit’a o‘yinlari, jahon va Osiyo chempionatlarining g‘olib va sovrindorlari Ruslan Nuruddinov, Rustam Jangabayev, Doston Yoqubov, Diyorbek Ermatov, Qurbonmurod Namozov kabi nomdor polvonlar ishtirok etishi kutilmoqda.

[gallery-14218]

Kecha  kattalar va yoshlar o‘rtasida kechgan bahslar 81 kg. hamda 89 kg. vazn toifalarida bo‘lib o‘tdi. G‘olib va sovrindorlar orasida Asadbek Narimonov, Qobiljon Aliyev, Hayitboy Abdushukurov, Sarvar Zafarjonov, Nursulton Esbergenov, Aziz Abdullayev, Behzodbek G‘ofurjonov, Jasur Eshqobilov kabi atletlar bor.

 O‘zbekiston terma jamoasiga nomzodlarni saralash hamda atletlar mahoratini ko‘zdan kechirish maqsadida o‘tkazilayotgan mamlakat kubogi bahslari 29 oktyabrga qadar davom etadi.

Muhammad AMIN(surat),O‘zA