Японияда чиқинди йиғишга асосланган спорт тури — “спогоми” энди дунё бўйлаб кенг тарқалмоқда.

Спогоми 2008 йилда расмий спорт тури сифатида рўйхатга олинган.

Мусобақалар уч кишилик жамоалар ўртасида ўтказилади. Иштирокчиларга белгиланган ҳудудда чиқиндиларни йиғиш учун 45 дақиқа, уларни саралаш учун эса 20 дақиқа вақт берилади. Қоидаларга кўра, югуриш мумкин эмас ва жамоа аъзолари доимо бирга ҳаракатланиши керак. Ғалаба тўпланган чиқиндиларнинг тури ва миқдори асосида аниқланади, атроф-муҳитга кўпроқ зарар етказувчи чиқиндилар эса юқори балл билан баҳоланади. Спогоми экологияни асраш ва спортни бирлаштирган ноодатий йўналиш сифатида турли ёшдаги инсонларни ўзига жалб қилмоқда.

<iframe width="640" height="420" src="https://www.youtube.com/embed/sDq8P3cnG2o" title="Chiqindi yig`ish endi sportga aylandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мадинабону Насриева, Анвархўжа Аҳмедов, ЎзА