Чилонзордаги кўп қаватли уйлардан бирида ёнғин бўлди
Пойтахтимизнинг Чилонзор туманидаги кўп қаватли уйлардан бирида газ-ҳаво аралашмасининг чақнаши натижасида портлаш содир бўлди.
Фавқулодда вазиятлар вазирлиги ахборот хизмати хабарига кўра, Чилонзор тумани еттинчи мавзесида жойлашган 59-уйдаги хонадонлардан бирида газ-ҳаво аралашмасининг чақнаши содир бўлган.
Фавқулодда вазият оқибатларини бартараф этиш учун вазирликнинг ёнғин-қутқарув экипажи дарҳол воқеа жойига етиб борди. Мавжуд маълумотларга кўра, айни вақтда, аҳоли жабрланмаган. Қурбонлар йўқ. 17 нафар уйи шикастланган фуқаролар вақтинчалик меҳмонхонага жойлаштирилди, дейилади хабарда.
М.Тошқораева, ЎзА