Чиба Гран-приси: Светлана Осипова – бронза медали соҳиби!
Бугун Японияда таэквондо бўйича Чиба-2019 Гран-приси старт олди.
Бугун Японияда таэквондо бўйича Чиба-2019 Гран-приси старт олди.
Мусобақанинг илк кунида ҳамюртимиз Светлана Осипова жангларни ўтказди.
Осипова ярим финалда 2016 йилги Олимпиада чемпиони хитойлик Зенг Шуйинга қарши даянга чиқди. Афсуски бу жангда хитойлик таэквондочи 3:0 ҳисобида ғалаба қозониб финалга чиқди. Шу тариқа Светлана Осипова Чибадаги Гран-прида бронза медалини қўлга киритди.
Маълумот учун, Осипова 1/16 финалда сербиялик Ана Тепавацни (4:0), 1/8 финалда мексикалик Брисеида Акостани (20:6), чорак финалда 2012 йил Лондонда ўтган Олимпиада ўйинларида олтин медални қўлга киритган сербиялик Милица Мандични (5:4) мағлуб этганди.
Эслатиб ўтамиз, Нигора Турсунқулова 14 сентябрь, Никита Рафалович 15 сентябрь куни мусобақада иштирок этишади.
Ўзбекистон таэквондо WT ассоциацияси матбуот хизмати