Chexiyalik ko‘ngillilar Ukraina armiyasi uchun “Flamingo” deb nomlangan mahalliy ishlab chiqarilgan kruiz raketasini xarid qilishga yo‘naltirilgan aksiya doirasida 48 soat ichida 500 ming yevrodan ortiq mablag‘ to‘pladi, deb xabar bermoqda “Euronews” nashri.

Ta’kidlanishicha, “DANA 1” deb nomlanishi kutilayotgan raketa loyiha hammuassisi va taniqli chex fizigi Dana Drabovaga bag‘ishlanadi.

Kampaniya yakunlangach, raketa ishlab chiqaruvchidan sotib olinadi va Ukraina Qurolli Kuchlariga topshiriladi. Qurolni qachon va qayerda qo‘llash qarorini armiyaning o‘zi qabul qiladi.

Ukraina prezidenti Vladimir Zelenskiy “Flamingo”ni mamlakatning “eng muvaffaqiyatli qurollaridan biri” deb atagan. Manbalarga ko‘ra, bu turdagi raketalar allaqachon Qrimdagi Rossiya maxfiy xizmat bazalariga zarba berishda qo‘llanilgan.

Musulmon Ziyo, O‘zA