Кеча тунда Чехиянинг Пардубице шаҳри яқинида йирик поезд ҳалокати юз берди. Дастлабки маълумотга кўра, ҳодиса оқибатида тўрт киши ҳалок бўлган, 34 киши жароҳатланган.

Қайд этилишича, “RegioJet” компаниясининг Прага – Кошице йўловчи поезди юк поезди билан тўқнашиб кетди.

Украина Ташқи ишлар вазирлиги матбуот хизмати ҳалок бўлганлар орасида ушбу мамлакатнинг икки фуқароси борлигини айтган.

Воқеа жойида мувофиқлаштирувчи гуруҳ тузилган. Эрталаб соат 4 да қутқарув амалиёти якунланди.

Украинанинг Брнодаги консуллиги ходими ҳодиса юз берган жойга бориб, қутқарувчилар, ҳуқуқ-тартибот идоралари вакиллари билан доимий алоқа ўрнатган.