Чехиянинг Злата тоғи яқинида, Оломоуц вилояти Есеник шаҳрида содир бўлган автобус ҳалокатида 21 нафар бола ва бир ўқитувчи жароҳат олди.

"АзерТАЖ" хабарига кўра, жабрланганлар яқин атрофдаги шифохоналарга юборилган. Қутқарувчилар айтишича, жабрланганлар турли даражада яраланган.

- Автобус йўлдан чиқиб кетиб, дарахтга урилган, - дея хабар тарқатган полиция. - Зарба натижасида ҳайдовчи томондаги эшик эзилган. Воқеа жойида Чехия ва Польша ўт ўчириш ва тез ёрдам хизмати, полиция ходимлари ҳозир бўлган.