Террорчи ташкилотлар Швециянинг НАТОга киришига халақит бермоқда. Бу ҳақда Туркия Ташқи ишлар вазири Мевлют Чавушўғли баёнот берди.

“Террорчи ташкилотлар, айниқса, Швециянинг НАТОга кириши йўлида миналар жойлаштирмоқда. Стокгольм эса бу миналарга атайин қадам қўйишга мажбур бўлмоқда. Швеция хоҳласа мамлакатни миналардан тозалиши мумкин”, деди у.  

“Биз келишувларни бажармаганларни мукофотлай олмаймиз. Стокгольм ўз зиммасига олган мажбуриятларини бажаргачгина, Анқара бу масалани  муҳокама қилишга таёр бўлади. Бироқ ҳозирги вазиятда  Туркия Швециянинг НАТОга киришига рози бўла олмайди”, деб таъкидлади вазир.  

Туркия ва Швеция ўртасидаги муносабатлар 21 январь куни Стокгольмдаги Туркия элчихонаси ёнида Қуръон ёқиб юборилганидан кейин кескинлашган.

ЎзА