Россияда от спортининг конкур йўналиши бўйича анъанавий равишда ўтказиб келинаётган “Horse Expert Cup” халқаро турнирида чавандозларимиз муваффақиятли иштирок этди.

Мусобақанинг 110 см. баландликдаги тўсиқлардан от сакратишда Марина Душенко олтин медални қўлга киритган бўлса, Ғайрат Назаров кумуш медалга лойиқ кўрилди. Тўсиқ баландлиги 115 см. бўлган баҳсларда Хуршидбек Алимжонов шоҳсупанинг иккинчи поғонасидан ўрин олди. Шунингдек, Алишер Эркинов (125 см.) конкур баҳсларининг биронза медалига эга чиқди. 

Маълумот ўрнида: Хуршидбек Алимжонов ва Алишер Эркинов Россияда ўтказилган “Business on Horseback” халқаро турнирида кумуш медалини қўлга киритган эди. 

Жавоҳир Тошхўжаев, ЎзА