Москва шаҳрида от спортининг конкур йўналиши бўйича Евросиё лигаси Миллатлар кубогининг тўртинчи босқичи ўз якунига етди.

Унда иштирок этган жамоамиз ғалаба қозониб, финал йўлланмасини қўлга киритди.

Бу ҳақда Миллий олимпия қўмитаси матбуот хизмати хабар берди.

Мусобақада 11 мамлакатдан ташриф буюрган сара чавандозлар иштирок этди. Якунда йигитларимиз энг юқори кўрсаткич қайд этиб, жорий йил Испаниянинг Барселона шаҳрида бўлиб ўтадиган Миллатлар лигасининг финал босқичига йўл олдилар.

Мусобақада юртимиз шарафини Умид Комилов, Нуржон Туёқбоев, Бекзод Қурбонов, Оқил Собиржонов, Баҳромжон Газиев ва Аъзам Толбоев ҳимоя қилди.

ЎзА