Poytaxtimizdagi “Universal Horses Stable” majmuasida ot sportining konkur yo‘nalishi bo‘yicha poyoniga yetgan xalqaro turnirning “Maxima Masters Eurasia Team Competition” dasturi jamoaviy bahslarida o‘zbekistonlik chavandozlar muvaffaqiyatga erishdi.

Turnirda terma jamoamiz a’zolari Alisher Erkinov, Umid Komilov, A’zam Tolibboyev va Xurshidbek Alimjonov yurtimiz sharafini munosib himoya qilib, oltin medallarga musharraf bo‘ldi. 2-o‘rin Qozog‘iston jamoasiga, 3-o‘rin esa qirg‘izistonlik sportchilarga nasib etdi.  

Aytish lozim, poytaxtimizda ikki hafta mobaynida o‘tkazilgan xalqaro turnirning ot yo‘rttirish yo‘nalishida ham hamyurtlarimiz jamoaviy dasturda 1-o‘rinni egallagan edi.  

T.Ro‘ziyev,

O‘zA