Chavandozlar O‘zbekiston kubogi uchun bahslashmoqda
Shu kunlarda poytaxtimizdagi “Universal Jumping Agro” ot sporti majmuasida konkur bo‘yicha O‘zbekiston kubogi musobaqalari bo‘lib o‘tmoqda.
Unda mamlakatimizning 100 nafarga yaqin chavandozlari 4 ta dasturda g‘oliblik uchun bahslashmoqda.
Ilk kungi musobaqalarda o‘z yo‘nalishlarida Mariya Bushenko, Temur Azizov, Dilshod Shokirov, Javohir Dilxushov kabi yoshlar g‘oliblikka erishdi.
Bugun konkur yo‘nalishidagi bahslar poyoniga yetsa, 22-23 oktyabr kunlari chavandozlar uch kurash musobaqalarida o‘z omadini sinovdan o‘tkazishadi.
T. Ro‘ziyev, O‘zA