Тошкентдаги “Universal Horses Stable” мажмуасида от спортининг конкур йўналиши бўйича ўтказилган “Uzbekistan Global Tour 2023” турнирида маҳоратли чавандозлар ишқибозларга от спортининг ўзига хос жозибасини намойиш этишди.

“Uzbekistan Global Tour 2023” турнирининг еттинчи босқичида юртимиз чавандозлари билан бир қаторда Қозоғистон, Беларусь давлатларининг вакиллари ҳам қатнашгани баҳсларнинг янада қизиқарли кечишига олиб келди.  

70 нафардан зиёд чавандозлар қатнашган мусобақалар якунида Улуғбек Обиджонов, София Тошматова, Саидамирхон Турғунбоев, Бекзод Рўзмуҳамедов, беларуслик Сергей Антонович ўз йўналишларида мусобақанинг бош совринини қўлга киритди.  

Т.Рўзиев,  

ЎзА