Пойтахтимиздаги “Universal Horses Stable” от спорт клубида конкур бўйича “FEI Jumping World Challenge – 2025” мусобақасининг биринчи босқич учрашувлари якунланди.

Нуфузли мусобақанинг илк турида чавандозлар уч тоифада рақобатлашди. Жумландан “A” гуруҳидаги (120–130 см) баҳсларда Бекзод Рўзимуҳаммедов “Akdarius” лақабли тулпори билан биринчи ўриндан жой олган бўлса, “B” тоифасида (110–120 см) Анна Сигидина “Elis G” номли отида ғолиб бўлди. “C” таснифида 100–110 см. баландликдаги тўсиқлардан от сакратишда Шавкат Абдурашидовга (“Narletta A.V.”) тенг келадигани топилмади.

Энди “FEI Jumping World Challenge – 2025” мусобақасининг иккинчи босқичи 13-14 ноябрь кунлари бўлиб ўтади. Унда чавандозлар бунданда мураккаб йўналишларда ўз омадларини синовдан ўтказадилар.  

Жавоҳир Тошхўжаев,

ЎзА