Тошкент шаҳридаги “Universal Horses Stable” от спорти клубида уч кураш (eventing) йўналиши бўйича “FEI Eventing Challenge World – 2025” халқаро мусобақаси муваффақиятли ўтказилди.

Мусобақа давомида иштирокчилар FEI талабларига тўлиқ мос равишда чиқиш қилиб, ўз маҳоратларини намоён этди. Мусобақа натижаларига кўра, Маруф Абдуллаев, “Ёдгор Шер” лақабли отида олтин медални қўлга киритган бўлса, Мединна Абдураҳмонова “Gudmen” номли тулпорида иккинчи поғонадан жой олди. Алиса Содиқова “Garpus” отини минган ҳолда бронза медалига эга чиқди.  

Ғолиб ва совриндорлар FEI стандартларига мувофиқ диплом, медаллар ҳамда эсдалик совғалари билан тақдирланди. Дарвоқе, 2026 йилда бўлиб ўтадиган навбатдаги “FEI Eventing Challenge” мусобақаси ҳам юқори савияда ўтказилиши режалаштирилмоқда.

Жавоҳир Тошхўжаев, ЎзА